«Azərikimya» İstehsalat Birliyinin müəssisələrində SOCAR-ın "Ətraf Mühitin Mühafizəsi” üzrə 2016-cı ilin Ekoloji tədbirlər planına uyğun olaraq növbəti şənbə iməciliyi keçiril­ib.
İməcilikdə Etilen-polietilen zavodundan, Təmir-ti­kinti idarəsindən  və Birliyin İdarəetmə aparatından ümumilikdə 300 nəfər əməkdaş iştirak edib. "Azəriqaz” İstehsalat Birliyinin 50 nəfər əməkdaşının da iştirak etdiyi iməcilikdə "Etilen-Polietilen” zavodunun keçmiş Suötürmə məntəqəsinin bioremediasiya üsulu ilə təmizlənmiş 2 ha ərazisində 500 ədəd müxtəlif növ ağac əkilib.
Böyük ruh yüksəkliyi ilə keçən iməçilik zamanı Etilen-polietilen zavodunun bütün istehsalat sahələrinin ərazilərində, S.Vurğun küçəsində, həmçinin Təmir Tikinti İdarəsinin daxili ərazilərində və idarənin qarşısındakı yaşıllıq zolağında əvvəllər əkilmiş ağacların dibləri bellənib, aqrotexniki qulluq göstərilib, sahələr alaq otlarından təmizlənərək, suvarma və abadlıq işləri həyata keçirilib.
Sum­qayıtın sənaye zonasında ekoloji mühitin yaxşılaşdırılmasına və yaşıllığın artırıl­ma­sı­na xidmət edən iməciliklərin növbəti həftələrin şənbə günlərində də davam etdirilməsi nəzərdə tutulub.